Ürək-damar xəstəlikləri ölkəmizdə ən çox rast gəlinən və ciddi nəticələrə səbəb ola biləcək sağlamlıq problemlərindəndir. Bu səbəbdən də onların vaxtında aşkarlanması və müalicəsi həyati əhəmiyyət daşıyır. Xüsusilə koronar arteriyaların daralması və ya tıxanması hallarında tətbiq olunan stent qoyulması (koronar stentləmə) həyatı xilas edən müdaxilələrdən biridir.

Azmedinfo.az xəbər verir ki, artıq bu tibbi prosedur İcbari Tibbi Sığorta üzrə Xidmətlər Zərfinə daxil edilib və dövlət hesabına – yəni əlavə ödənişsiz şəkildə həyata keçirilə bilər. Bu, vətəndaşların yüksək xərc tələb edən müdaxilələrə daha asan və vaxtında çıxışını təmin etməklə yanaşı, ürək-damar xəstəliklərindən ölüm hallarının da azalmasına töhfə verəcək.

Stent qoyulması ilə yanaşı, digər bir çox kardioloji müayinələr, diaqnostik prosedurlar və müalicələr də Xidmətlər Zərfinə daxildir.

İcbari Tibbi Sığorta çərçivəsində hansı tibbi xidmətlərin ödənişsiz olduğunu öyrənmək üçün aşağıdakı linkə keçid edin:

https://short-link.me/18QQP