Vərəmlə mübarizədə yeni yanaşmab - Şəkidə regional təlim təşkil olundu

29 İyul 2025

690

Azərbaycan Respublikası Səhiyyə Nazirliyinin Elmi-Tədqiqat Ağciyər Xəstəlikləri İnstitutu tərəfindən Şəki Rayon Mərkəzi Xəstəxanasında “Vərəmin aşkarlanması, diaqnostikası, müalicəsi və profilaktikasına müasir yanaşmalar" mövzusunda regional praktik təlim baş tutub.

Azmedinfo.az xəbər verir ki, tədbirdə Səhiyyə Nazirliyi Elmi-Tədqiqat Ağciyər Xəstəlikləri İnstitutunun direktoru t.ü.f.d İradə Axundova, Şəki Rayon Mərkəzi Xəstəxanasının direktoru Məcid Əliyev, Səhiyyə Nazirliyi Elmi-Tədqiqat Ağciyər Xəstəlikləri İnstitutunun şöbə müdiri Mehriban Seyfətdinova, institutun həkim-ftiziatrı Aysel Aslanova və eyni zamanda Şəki, Qəbələ və Oğuz rayonlarının İlkin Səhiyyə Xidmətinin həkimləri iştirak ediblər.

Tədbirin məqsədi İlkin Səhiyyə Xidmətinin vərəmin aşkarlanması, nəzarətli müalicə və profilaktikasında rolunun təkmilləşdirilməsi olub.

Tədbirdə Səhiyyə Nazirliyi Elmi-Tədqiqat Ağciyər Xəstəlikləri İnstitutunun Milli istinad laboratoriyasının şöbə müdiri Mehriban Seyfətdinova, Poliklinika şöbəsinin həkim-ftiziatrı Aysel Aslanova vərəmin müalicəsi və diaqnostikası üzrə müasir klinik protokollarla bağlı geniş təqdimatla və vərəmin aşkarlanmasında İSX həkimlərinin rolu barəsində ətraaflı məlumatla çıxış edib.

İnteraktiv formada davam edən tədbir çərçivəsində müxtəlif mövzular üzrə müzakirələr aparılıb və suallar cavablandırılıb.