Bu gün – 5 avqust 2025-ci il tarixində Azərbaycan tibb elminin və səhiyyəsinin görkəmli simalarından biri, böyük alim, dəyərli ziyalı və fədakar cərrah Mustafa bəy Topçubaşovun anadan olmasının 130 illiyi tamam olur.

Azmedinfo.az portalı olaraq, böyük alim Mustafa bəy Topçubaşovun anadan olmasının 130 illiyini dərin ehtiramla yad edirik.

O, 1895-ci ilin məhz bu günündə – 5 avqust tarixində, Gürcüstanın Qori şəhərində dünyaya göz açmış, daha sonra ömrünü xalqına, elminə və səhiyyənin inkişafına həsr etmişdir. Mustafa bəyin həyatı və fəaliyyəti milli tibb tariximizdə əvəzsiz yer tutur. O, sadəcə bir cərrah, professor və akademik deyil, həm də Azərbaycan elminin ideoloji və mənəvi dayaq sütunlarından biri kimi yadda qalıb.

Mustafa bəy Topçubaşov XX əsrdə Azərbaycan tibb elminin inkişafına misilsiz töhfələr vermiş, həm elmi rəhbər, həm də cərrah kimi minlərlə insana həyat bəxş etmişdir. Tibb sahəsindəki xidmətlərinə görə müxtəlif orden və mükafatlarla təltif olunmuş, uzun illər Azərbaycan SSR Elmlər Akademiyasına rəhbərlik etmişdir.

Onun bu gün də aktuallığını qoruyan elmi əsərləri, tibb təhsili və cərrahiyyə praktikası sahəsində qoyduğu fundamental əsaslar gələcək nəsillər üçün örnək və istinad mənbəyidir.

130 il öncə bu gün dünyaya gəlmiş Mustafa bəy Topçubaşovun adı bu gün də qürurla çəkilir, onun xatirəsi təkcə tibb ictimaiyyəti üçün deyil, bütün xalqımız üçün böyük dəyər kəsb edir.

Ona ehtiram yalnız keçmişə deyil, həm də gələcəyə olan məsuliyyətimizin ifadəsidir. Elm, vicdan, humanizm – bu sözlər Mustafa bəyin adı ilə əbədi bağlıdır.