Azərbaycan Respublikası Səhiyyə Nazirliyi, Azərbaycan Tibb Universiteti, TƏBİB-in dəstəyi, Azərbaycan Süd Vəzi Xəstəlikləri Mütəxəssisləri Assosiasiyasının (ASVXMA) təşəbbüsü və LasoMed Group-un texniki dəstəyi ilə 30 avqust tarixində Lənkəran şəhərində regional elmi-praktik konfrans təşkil olunacaq.

Azmnedinfo.az xəbər verir ki, tədbir Lənkəran Heydər Əliyev Mərkəzində keçiriləcək və ölkənin müxtəlif bölgələrindən həkimlərin iştirakı gözlənilir. Konfransın əsas mövzusu süd vəzi xəstəliklərinin diaqnostikası və müalicəsinə dair aktual multidissiplinar yanaşmalar olacaq.

Konfransda sahə üzrə tanınmış mütəxəssislər məruzələrlə çıxış edəcək, iştirakçılar interaktiv müzakirələrdə bilik və təcrübə mübadiləsi aparacaqlar. Məruzəçilər arasında təcrübəli mütəxəssis Həqiqət Vəliyeva da yer alacaq.

Təşkilatçılar bildirirlər ki, bu tədbir regionda çalışan həkimlər üçün müasir tibbi biliklərin paylaşılması və peşəkar inkişaf baxımından əhəmiyyətli platforma olacaq.

 Qeydiyyat üçün əlaqə:

 +994 70 352 00 13
 +994 70 952 00 13