Azmedinfo.az kollektivi adından Beynəlxalq Əczaçılar Günü münasibətilə bütün əczaçıları təbrik edir, sağlamlıq yolunda göstərdiyiniz fədakar əməyə görə təşəkkür edirik!

Hər gün bütün dünyada farmasiya elminin və praktikasının minlərlə nümayəndəsi – əczaçılar – dərman vasitələrinin təhlükəsiz, effektiv və səmərəli istifadəsi üçün xəstələrlə ünsiyyətdə olur, onların sağlamlığının qorunmasına töhfə verirlər.

Müasir dövrdə əhalinin keyfiyyətli və təhlükəsiz dərman vasitələri ilə təmin edilməsi səhiyyənin ən mühüm və aktual məsələlərindən biridir.

Bu sahədə əczaçıların rolu danılmazdır. Onlar yalnız dərman təqdim edən mütəxəssislər deyil, həm də düzgün istifadəyə dair məsləhətlər verən, xəstələrin müalicə prosesində həkimlərlə yanaşı iştirak edən vacib səhiyyə işçiləridir. Hər birimizin sağlamlığında onların əməyinin payı böyükdür.

Əhalinin diqqətini bu əhəmiyyətə yönəltmək və əczaçıların fədakar əməyini qiymətləndirmək məqsədilə 2009-cu il sentyabrın 25-də Beynəlxalq Əczaçılıq Federasiyasının İstanbulda keçirilən Konqresində Beynəlxalq Əczaçılar Günü təsis olunub.

Bakı Baş Səhiyyə Mərkəzi