Yeni Klinikanın müvafiq mərkəzində keçirilən təlimlər robotik cihazların yalnız texniki tətbiqi ilə məhdudlaşmır. Bu təlimlər, cihazların klinik protokollara inteqrasiyasını, nevroplastiklik stimulyasiyasında istifadəsini, funksional bərpa prosesinə təsirini və ortopedik-reabilitasiya nəticələrinin optimallaşdırılmasındakı rolunu da əhatə edir.

Azmedinfo.az xəbər verir ki, proseslər beynəlxalq təcrübəyə malik xarici təlimçilərin iştirakı ilə həyata keçirilir. Mütəxəssislər dünyanın qabaqcıl ədəbiyyatında əksini tapan ən son elmi-praktik yanaşmaları öyrənir, onları real klinik vəziyyətlərdə tətbiq etməklə öz bilik və bacarıqlarını daha da zənginləşdirirlər. Bu sayədə hər bir pasiyent üçün fərdi reabilitasiya planları daha dəqiq tərtib olunur, müalicənin nəticələri isə obyektiv meyarlarla izlənilir.

Robotik reabilitasiya yalnız texnoloji yenilik deyil, həm də sübutlara əsaslanan tibbin vacib və ayrılmaz tərkib hissəsidir.