Səhiyyə Nazirliyinin Elmi-Tədqiqat Tibbi Bərpa İnstitutunda cari ilin aylıq hesabat iclası keçirilib. İclasda institutun direktoru, t.e.d. Mətanət Əfəndiyeva, baş həkim doç. Nurlana Əliyeva, elmi işlər üzrə direktor müavini, t.ü.f.d. Sevinc Rzayeva, inzibati məsələlər üzrə direktor müavini Namiq Həsənov, elmi işçilər, həkimlər və şöbə rəhbərləri iştirak ediblər.

Azmedinfo.az xəbər verir ki, iclas M. Əfəndiyeva tərəfindən açılaraq gündəliyə uyğun olaraq institutun elmi və kliniki şöbələrinin fəaliyyəti, qarşıda duran vəzifələr, yeniliklər və gələcək planlar müzakirə olunub.

Baş həkim, elmi işlər üzrə direktor müavini və inzibati məsələlər üzrə direktor müavini öz çıxışlarında institutun kliniki, elmi və inzibati sahələrdə görülmüş işləri iştirakçılara təqdim ediblər.

Daha sonra institutun elmi və kliniki şöbələrinin rəhbərləri aylıq hesabatlarını təqdim edərək, hər bir sahədə əldə olunmuş nəticələr və qarşıdakı fəaliyyət planları barədə məlumat veriblər.

Bu iclas institutun fəaliyyətində şəffaflıq və elmi əsaslı idarəetmənin təmin olunması baxımından mühüm əhəmiyyət kəsb edir.