Cəmi doqquz yaşında olan Maks “dilatasion kardiomiopatiya” diaqnozu ilə səkkiz ay donor ürəyi gözlədi. Ümidini itirmədiyi anda Keira adlı həmyaşıdı qızın ailəsi onun orqanlarını bağışlamağa qərar verdi və Maksın həyatı xilas oldu.

Azmedinfo.az cəmiyyətin maarifləndirilməsi məqsədilə Orqan Donorluğu və Transplantasiyası üzrə Koordinasiya Mərkəzinin məlumatını izləyiciləri ilə bölüşür.

Sağaldıqdan sonra Maks və ailəsi orqan donorluğunun vacibliyini təbliğ etməyə başladılar. Onların səyləri nəticəsində Britaniyada “opt-out” sistemi — hər bir yetkin şəxsin avtomatik donor sayılması qaydası qəbul edildi.

Bu humanist addım “Maks və Keiranın Qanunu” adını aldı və 2020-ci ildə qüvvəyə mindi. Hekayə iki uşağın — biri həyatını bağışlayan, digəri onu yaşadan — insanlığa sevgi və mərhəmət dərsi kimi tarixə düşdü.