Osteoporoz sümük toxumasının zəifləməsi, elastikliyini itirməsi və nəticədə sınıq riskinin artması ilə xarakterizə olunan metabolik xəstəlikdir. Bu proses tədricən inkişaf edir və uzun müddət simptomsuz davam edə bilər. Zamanla sümük kütləsinin azalması skeletin möhkəmliyini azaldır, nəticədə yüngül zədələr belə sınıqlara səbəb olur.

Azmedinfo.az xəbər verir ki, 1997-ci ildən etibarən, hər il 20 oktyabr Ümumdünya Osteoporoz Günü kimi qeyd olunur. Bu günün məqsədi — sümük sağlamlığı, profilaktika, diaqnostika və müalicə tədbirləri barədə ictimai məlumatlılığı artırmaqdır.

Sağlamlıq üçün faydalı tövsiyələr

Kalsium və D vitamini ilə zəngin qidaları (süd məhsulları, balıq, yumurta, yaşıl yarpaqlı tərəvəzlər) gündəlik rasiona daxil edin.

Hər gün azı 30 dəqiqə fiziki aktivliklə — gəzinti, pilləkən qalxmaq və ya yüngül idmanla məşğul olun.

Siqaret və alkoqoldan uzaq durun, çünki bu vərdişlər sümük toxumasını zəiflədir.

Sümük sıxlığınızı vaxtaşırı həkim müayinəsi ilə yoxlatdırın, xüsusilə menopauza dövründəki qadınlar və yaşlı şəxslər üçün bu çox vacibdir.

Güclü sümüklər sağlam həyatın dayağıdır. Osteoporozun qarşısını vaxtında almaq mümkündür. Hərəkətli olun, düzgün qidalanın, sağlamlığınıza dəyər verin!