Yeganə Abbasova:

Yeganə Abbasova: "Azərbaycanda orqan donorluğu və transplantasiya sahəsində mühüm irəliləyişlər əldə olunub"

23 Oktyabr 2025

1226

Özbəkistanın Buxara şəhərində Türk dünyası dövlətlərinin anestezioloq-reanimatoloqlarının birinci beynəlxalq konfransı keçirilib. Tədbirdə Azərbaycanla yanaşı, bir sıra qardaş ölkələrdən gəlmiş mütəxəssislər iştirak ediblər.

Azmedinfo.az xəbər verir ki, konfransın məqsədi anesteziologiya və reanimatologiya sahəsində elmi bilik və təcrübə mübadiləsini təşviq etmək, bu istiqamətdə beynəlxalq əməkdaşlığın gücləndirilməsinə töhfə vermək olub.

Tədbir çərçivəsində iştirakçılar anesteziologiya və reanimatologiyanın inkişaf perspektivləri, müasir müalicə metodları, reanimasiya xidmətinin təşkilində yeni yanaşmalar və pasiyent təhlükəsizliyi kimi mövzular ətrafında çıxışlar ediblər.

Konfransda çıxış edən Səhiyyə Nazirliyi Orqan Donorluğu və Transplantasiyası üzrə Koordinasiya Mərkəzinin İdarə Heyətinin sədri Yeganə Abbasova Azərbaycanda orqan donorluğu və transplantasiyası sahəsində formalaşmış hüquqi baza, görülən işlər və qarşıda duran prioritet istiqamətlər barədə geniş məlumat verib.

Mərkəz sədri qeyd edib ki, son illər bu sahədə mühüm addımlar atılıb, normativ-hüquqi çərçivə təkmilləşdirilib, transplantasiya xidmətlərinin keyfiyyəti yüksəldilib.

Konfransın işi məhsuldar müzakirələrlə yadda qalıb, iştirakçılar gələcək əməkdaşlıq və birgə elmi layihələrin həyata keçirilməsi barədə razılığa gəliblər.