1895-ci ildə V. Rentgen tərəfindən rentgen şüalarının kəşfi münasibətilə hər il 8 noyabr Beynəlxalq Radioloq Günü kimi qeyd olunur.

Azmedinfo.az xəbər verir ki, bu münasibətlə Səhiyyə Nazirliyinin Ə.Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) şüa terapiyası kursu ilə şüa diaqnostikası kafedrasında tədbir keçirilib.

Kafedranın müdiri, dosent Arzu Nuriyeva çıxış edərək əməkdaşları və müdavimləri təbrik edib, onların xəstələrin sağlamlığının qorunması və həyatlarının xilas edilməsindəki əvəzsiz xidmətlərini yüksək qiymətləndirib.

Çıxışda vurğulanıb ki, bir vaxtlar sadə diaqnostik metod kimi formalaşan rentgenologiya bu gün PET, KT, MRT, invaziv radiologiya və ultrasəs müayinələri kimi müasir istiqamətləri özündə birləşdirən geniş və daim inkişaf edən bir sahəyə çevrilib.

Tədbirdə kafedranın əməkdaşları və ixtisasartırma kurslarında iştirak edən müdavimlər iştirak ediblər.