Azmedinfo.az xəbər verir ki, Bakı Sağlamlıq Mərkəzinin şəhid və qazi ailə üzvü olan, həmçinin müharibə veteranı əməkdaşlarının da iştirak etdiyi bu tədbir Mərkəzimizin İcraçı direktoru Dos. Dr. Asiman Həsənovun açılış nitqi ilə davam edib. Asiman Həsənov 2020-ci ilin sentyabrın 27-dən başlayan, 44 gün davam edən və işğal altındakı ərazilərimizin qaytarılması ilə nəticələnən Vətən Müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildiyini bildirib. Zəfərimizin 5-ci ildönümü münasibətilə hərbi paradın Bakıda keçirilməsinin xalqımızın qüdrətini, ordumuzun rəşadət və hünərini bir daha nümayiş etdirdiyini diqqətə çatdırıb. Xalqımızın müzəffər Ali Baş Komandan İlham Əliyevin ətrafında dəmir yumruq kimi birləşməsinin artıq dövlətimizin bir rəmzinə çevrildiyini vurğulayıb.

 

Tədbirdə iştirak edən Azərbaycan Respublikası Milli Məclisinin deputatı Fazil Mustafa bu Qələbənin xalqımızın milli birliyi və azadlıq iradəsinin təntənəsi olduğunu, Ordumuzun göstərdiyi qəhrəmanlığın isə gələcək nəsillər üçün nümunə təşkil etdiyini bildirib.

 

İgid qazilərimizə hədiyyələr təqdim olunduqdan sonra xatirə şəkli çəkdirilib. Mərkəzimizin şanlı Zəfərimizin 5-ci ildönümünə həsr olunmuş bağlı hazırladığı videoçarx nümayiş olunub.

 

Qeyd edək ki, tədbirdən sonra müharibə iştirakçıları Mərkəzimizdə təşkil olunmuş nahar süfrəsi ətrafında həm söhbət olub, müharibə dövründəki xatirələrindən söz açıblar. Yüksək əhval-ruhiyyə ilə başa çatmış tədbirin ardından Bakı Sağlamlıq Mərkəzi kollektivi tərəfindən II Şəhidlər Xiyabanı ziyarət edilib. Ziyarət zamanı şəhid olan qəhrəmanlarımızın xatirəsini ehtiramla yad edən heyətimiz onların məzarlarının önünə çələng qoyaraq, gül dəstələri düzüblər.