16 oktyabr – 25 dekabr 2025-ci il tarixlərində “Qadın Sağlamlıq Mərkəzi” İctimai Birliyi, “Azərbaycan Əczaçı Sahibkarlar Assosiasiyası” və “Medical Media”nın birgə təşkilatçılığı ilə “Qadın sağlamlığı: fundamental və tətbiqi tədqiqatlar” mövzusunda 3 aylıq kurs keçiriləcək.

Azmedinfo.az xəbər verir ki, kurs qadın sağlamlığının elmi və praktik aspektlərinin təkmilləşdirilməsinə yönəlib və iştirak edən həkimlər üçün DTT kredit balı və sertifikat nəzərdə tutulub.

Təlimlər həm oflayn (əyani), həm də onlayn formatda təşkil olunacaq. Kredit balı üçün nəzərdə tutulan ixtisaslara radioloq, mammoloq, pediatr, ginekoloq, onkoloq və cərrahlar daxildir.

Kursda iştirak etmək istəyənlər +994 70 730 57 70 və +994 55 455 68 68 nömrələri ilə əlaqə saxlaya və qeydiyyat üçün bu linkdən istifadə edə bilərlər.

Təlimlərin keçirildiyi ünvan: Medical Media (Mərdanov Qardaşları 127).