Laçın Rayon Mərkəzi Xəstəxanasında ICD-10 və prosedur kodlaşdırma üzrə peşəkar təlim keçirilib

14 Noyabr 2025

366

Laçın Rayon Mərkəzi Xəstəxanasında ICD-10 və prosedur kodlaşdırma üzrə peşəkar təlim keçirilib

Laçın Rayon Mərkəzi Xəstəxanasında tibb işçilərinin peşəkar bilik və bacarıqlarının artırılması məqsədilə Respublika Diaqnostika Mərkəzinin Keyfiyyətə nəzarət şöbəsinin müdiri Aytən Məmmədzadənin təqdimatında “ICD-10, ICD-10-CM və Prosedur Kodlaşdırma üzrə Peşəkar Təlim” təşkil olunub.

Azmedinfo.az xəbər verir ki, təlimdə həkimlər, tibbi qeydiyyatçılar və tibb bacıları (təlimə uyğun bölmələr üzrə) iştirak edib.

Təlim zamanı iştirakçılara diaqnoz və prosedur kodlaşdırma sistemlərinin mahiyyəti, tətbiq qaydaları, eləcə də kodlaşdırma zamanı buraxılan tipik səhvlər barədə ətraflı məlumat verilib.

Proqram çərçivəsində iştirakçılar praktiki nümunələr üzərində işləyərək ICD-10 və ICD-10-CM sistemlərinin tətbiqinə dair real-case analizlər aparıblar. Təlimin sonunda iştirakçılara əlavə vəsaitlər təqdim olunub, həmçinin 7/24 onlayn dəstək və sual-cavab platformasından yararlanmaq imkanı yaradılıb.