Dövlət Gömrük Komitəsi Tibbi Xidmət İdarəsinin nümayəndə heyəti 3-cü Milli Konqresdə iştirak edir

30 Noyabr 2025

426

Dövlət Gömrük Komitəsi Tibbi Xidmət İdarəsinin nümayəndə heyəti 3-cü Milli Konqresdə iştirak edir

29–30 noyabr 2025-ci il tarixlərində Azərbaycan Respublikası Dövlət Gömrük Komitəsi Tibbi Xidmət İdarəsinin nümayəndə heyəti Azərbaycan Reanimatoloqlar və Anestezioloqlar Cəmiyyətinin təşkil etdiyi 3-cü Milli Konqresdə iştirak edir.

Azmedinfo.az xəbər verir ki, tədbirdə Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev, Mərkəzi Gömrük Hospitalının Əməliyyatxana, Reanimasiya və Anesteziologiya şöbəsinin rəisi, anestezioloq-reanimatoloq Tural Sadıqov, anestezioloq-reanimatoloqlar Dr. Könül Həsənova, Dr. Günel Cəfərova, həkim-rezidentlər Nərgiz Babayeva, Məkanə Təhməzova, Nüşabə Xalidli və tibb bacısı Gülər Şahveronova təmsil olunurlar.

Konqres çərçivəsində İsrail, İtaliya, Almaniya və türkdilli ölkələrdən dəvət edilmiş tanınmış mütəxəssislər reanimasiya və anesteziologiya sahəsində müasir yanaşmalar, innovativ müalicə protokolları və aktual kliniki təcrübələr barədə məruzələrlə çıxış ediblər. Elmi proqram seminarlar, ustad dərsləri və interaktiv müzakirələrlə zəngin olub.

Bu nüfuzlu tədbir Azərbaycan Respublikası Səhiyyə Nazirliyi tərəfindən 16 DTT krediti ilə akkreditasiya edilib.