Almaniya ilə əməkdaşlıq çərçivəsində növbəti təlimlər keçirilib

09 Dekabr 2025

474

TƏBİB və Yeni Klinika ilə Almaniyanın nüfuzlu səhiyyə idarəetmə şəbəkələri – “Falk Beratung” və “Sana Hospital Group” arasında imzalanmış əməkdaşlıq müqaviləsinə əsasən növbəti təlimlər başa çatıb.

Azmedinfo.az xəbər verir ki, təlimlərdə Yeni Klinikanın Tibb bacıları şöbəsinin əməkdaşları iştirak edib və proqram çərçivəsində bir sıra vacib mövzular üzrə nəzəri və praktiki biliklər təqdim olunub.

Sessiyalarda barter indeksinin klinik praktikada tətbiqi, yataq xəstələrinin baxım standartları, yataq yaralarının qarşısının alınmasına dair beynəlxalq tövsiyələr, həmçinin xəstənin sağlamlığı və təhlükəsizliyi üçün mümkün risklərin – xüsusilə yıxılma risklərinin müəyyən edilməsi, qiymətləndirilməsi və idarə edilməsi kimi mühüm istiqamətlər əhatə olunub.

Təlim zamanı bu yanaşmanın səhiyyə işçilərinə tibbi xidmətin keyfiyyətini yüksəltməyə, pasiyent təhlükəsizliyini təmin etməyə və beynəlxalq qaydalara uyğunluğun artırılmasına kömək etdiyi vurğulanıb.

Təlim müddətində Almaniyanın nümayəndə heyəti həmçinin Yeni Klinikanın Terapiya, Nevrologiya və Reanimasiya şöbələrində müşahidələr aparıb, praktik tövsiyələr veriblər.