Mərkəzi Gömrük Hospitalının Mamalıq-ginekologiya şöbəsinin rəisi, t.ü.f.d. Təranə Bayramova İstanbulda baş tutan II Genital Estetik və Rejenerativ Müalicələr Konqresində ölkəmizi təmsil edib.

Azmedinfo.az xəbər verir ki, beynəlxalq tədbirdə qadın sağlamlığında tətbiq edilən ən müasir texnologiyalar, innovativ müalicə metodları və rejenerativ tibbin gətirdiyi yeniliklər ətrafında geniş təcrübə mübadiləsi aparılıb.

Konqresdə qadın sağlamlığında genital estetik yanaşmalar, rejenerativ tibbin müasir imkanları, innovativ müalicə metodları, minimal invaziv texnologiyalar, lazer və PRP tətbiqləri, həmçinin cinsi sağlamlıq və həyat keyfiyyətinin artırılmasına yönəlmiş aktual mövzular müzakirə olunub, genital estetik və rejenerativ müalicələr sahəsində ən son yeniliklər, klinik protokollar və müalicə yanaşmalar mövzularında təqdimatlar edilib.