Vərəmin diaqnostikası və müalicəsi üzrə yeni metodlar müzakirə edilib

18 Dekabr 2025

458

Vərəmin diaqnostikası və müalicəsi üzrə yeni metodlar müzakirə edilib

Azərbaycan Respublikası Səhiyyə Nazirliyinin Elmi-Tədqiqat Ağciyər Xəstəlikləri İnstitutu tərəfindən “Vərəmin aşkarlanması, diaqnostikası, müalicəsi və profilaktikasına müasir yanaşmalar" mövzusunda regional praktik təlim baş tutub.

Azmedinfo.az xəbər verir ki, tədbirdə Səhiyyə Nazirliyi Elmi-Tədqiqat Ağciyər Xəstəlikləri İnstitutunun direktoru t.ü.f.d İradə Axundova, direktor müavini-baş həkim Gülzar Əliyeva, İnstitutun digər struktur bölmə müdirləri və eyni zamanda Bakı şəhəri, Abşeron rayonu üzrə İlkin Səhiyyə Xidmətinin həkimləri iştirak ediblər.

Tədbirin məqsədi İlkin Səhiyyə Xidmətinin vərəmin aşkarlanması, nəzarətli müalicə və profilaktikasında rolunun təkmilləşdirilməsi olub.

Tədbirdə Səhiyyə Nazirliyi Elmi-Tədqiqat Ağciyər Xəstəlikləri İnstitutunun direktoru t.ü.f.d İradə Axundova, direktor müavini-baş həkim t.ü.f.d Gülzar Əliyeva, Təşkilati metodik və tibbi statistika şöbəsinin müdiri Afaq Hüseynova, Milli istinad laboratoriyasının şöbə müdiri Mehriban Seyfətdinova, Ağciyərdən kənar orqanlarının vərəmi şöbəsinin müdiri Nəzifə Sətdarova, həkim-ftiziatr Aysel Aslanova və farmakonəzarət üzrə məsul şəxs Əminə Bərxalova vərəmin müalicəsi və diaqnostikası üzrə müasir klinik protokollarla bağlı geniş təqdimatla və vərəmin aşkarlanmasında İSX həkimlərinin rolu barəsində ətraflı məlumatla çıxış edib.

İnteraktiv formada davam edən tədbir çərçivəsində müxtəlif mövzular üzrə müzakirələr aparılıb və suallar cavablandırılıb.