“Həkimlər və Təbib Tələbələr” İctimai Birliyinin tərkibində fəaliyyət göstərən Tibb Təhsili üzrə Daimi Komitənin (SCOME) təşkilatçılığı ilə tibb tələbələri və gənc mütəxəssislər üçün “EndoCore: Hormonların Metabolik Profili” mövzusunda elmi-maarifləndirici seminar keçirilib.

Azmedinfo.az xəbər verir ki, Tədbirin əsas məqsədi metabolik sindrom,piylənmənin səbəb və mexanizmləri ,differensial diaqnostika yanaşmaları,müayinə və müalicə modellərini iştirakçılara daha yaxından tanıtmaq olub.

Semimarda spiker qismində Dr. Şövkət Əlişova 45 nömrəli şəhər poliklinasının həkim-endokrinoloqu çıxış edib. O piylənmənin dəyərləndirilməsi, risk faktorları və piylənmə ilə həyat tərzi kimi bir sıra önəmli mövzulardan bəhs edib.

Bundan əlavə, həkim Bədən Kütlə İndeksi (BKİ) ,MRT, DEXA kimi müxtəlif üsullarla visseral piylənmənin dəyərləndirilməsindən danışıb.

Çıxışı zamanı piylənməyə səbəb olan dərmanlar, piylənmə ilə əlaqəli komobrid vəziyyətlər, metabolik sindromun əlamətləri əyani nümunələrlə izah olunub.

Seminar əsasında xəstəliyə genetik meyil, endokrin səbəblər və yemə davranış pozğunluğu haqda geniş müzakirələr aparılıb.

İştirakçılar mövzu ilə bağlı suallar ünvanlayaraq interaktiv müzakirələrdə fəal iştirak ediblər. Tədbir iştirakçılara endokrinologiya sahəsində müalicə piramidi, Bariatrik cərrahiyyə, yuxu tənzimi və həmçinin piylənmə ilə yaşam tərzi ilə bağlı dəyərli bilik və təcrübə qazandırıb.