Pediatriya İnstitutunda tibbi xidmətin səmərəliliyi və maliyyə məsələləri müzakirə olunub

12 Mart 2026

272

Pediatriya İnstitutunda tibbi xidmətin səmərəliliyi və maliyyə məsələləri müzakirə olunub

Azərbaycan Respublikası Səhiyyə Nazirliyi K.Y. Fərəcova adına Elmi‑Tədqiqat Pediatriya İnstitutunda iclas keçirilib. İclasda institutun direktoru və kollektivi iştirak ediblər.

Azmedinfo.az xəbər verir ki, görüş zamanı institutun fəaliyyəti ilə bağlı bir sıra mühüm məsələlər, xəstə xidmətinin keyfiyyətinin artırılması, qüsursuz xidmətə dair müzakirələr aparılıb. İclasda həmçinin xəstə xidmətlərinin gətirdiyi gəlirlər, PHŞ-in özünü maliyyələşdirilməsində yarana biləcək problemlərin qarşısının alınmasına dair tövsiyələr və bəzi tədbirlər barədə kollektivə məlumat verilib. Göstərilən xəstə xidmətində çəkilən xərclərin sonrakı kvartal hesabatlarında nəzərə alınması və sərfiyyatı yaradan sahələrə xüsusi diqqət yetirilməsi bir daha vurğulanıb.

Elmi işlər üzrə direktor müavini həkimlərin davamlı tibbi təhsili ilə bağlı məlumat verərək, praktik tibbi fəaliyyətlə məşğul olan həkimlərin şəxsi kabinetlərinə balların yüklənməsi barədə məlumatla iştirakçıları tanış edib. Balların yüklənməsi həyata keçirilsə də, hələ sertifikasiya şəhadətnaməsinin verilməsini gözləyən əməkdaşların siyahısını nəzərə çatdırıb.

Direktor tərəfindən kollektivə mövcud vəziyyət və qarşıda duran vəzifələr barədə məlumat verilib, institutun fəaliyyətinin daha səmərəli təşkili üçün müvafiq tapşırıqlar verilib.