Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunda Həmkarlar İttifaqının iclası keçirilib.

Azmedinfo.az xəbər verir ki, iclas zamanı təşkilatın fəaliyyət istiqamətləri, qarşıda duran vəzifələr və gələcək planlar ətrafında geniş fikir mübadiləsi aparılıb. Həmkarlar ittifaqının rolunun daha da gücləndirilməsi, əməkdaşların hüquqlarının müdafiəsi və sosial rifahının yaxşılaşdırılması istiqamətində müxtəlif təkliflər müzakirəyə çıxarılıb.

Toplantıda keçirilən səsvermə nəticəsində Sevinç İbrahimova Həmkarlar İttifaqının yeni sədri seçilib. Yeni sədr çıxış edərək ona göstərilən etimada görə minnətdarlığını bildirib və həmkarlar ittifaqının üzvlərinin hüquqlarını qorumaq, onların əmək şəraitinin yaxşılaşdırılması və təşkilatın daha da inkişafı üçün səylə çalışacağını vurğulayıb.

İclas iştirakçıları yeni rəhbərliyə uğurlar arzulayaraq, həmkarlar ittifaqının fəaliyyətinin daha da səmərəli və şəffaf şəkildə davam etdirilməsinin vacibliyini qeyd ediblər.