18 aprel 2026-cı il tarixində (saat 10:00-da) Bakı şəhərində “Qida borusu və mədə xərçəngi” mövzusunda beynəlxalq elmi-praktiki konfrans keçiriləcək.

Holiday Inn Baku Hoteldə təşkil olunacaq tədbir Azərbaycan Respublikası Səhiyyə Nazirliyinin dəstəyi, Azərbaycan Cərrahiyyə, Qastroenterologiya və Onkologiya Assosiasiyası, Türkiyə Radioloji Onkologiya Dərnəyi, eləcə də Mədə və Qida Borusunun Cərrahiyyəsi Dərnəyinin həmtəşkilatçılığı ilə baş tutacaq.

Azmedinfo.az səhiyyə portalının informasiya dəstəyçisi olduğu konfrans müasir onkologiyanın ən aktual problemlərindən olan yuxarı həzm traktı şişlərinin diaqnostikası və müalicəsinə həsr olunur.

Konfransın elmi proqramına daxildir:

Qida borusu və mədə xərçənginin erkən diaqnostikasında innovativ yanaşmalar;
Multidisissiplinar yanaşma (MDT) çərçivəsində müasir müalicə protokolları;
Minimal invaziv və radikal cərrahi üsulların tətbiqi;
Xarici və yerli ekspertlərin iştirakı ilə klinik halların panel müzakirələri.

Konfrans Səhiyyə Nazirliyinin Elmi Şurası tərəfindən davamlı tibbi təhsil üzrə akkreditasiya olunaraq 8 balla qiymətləndirilib.