Müasir təbabətdə xəstəliklərin erkən aşkarlanması və müalicənin düzgün planlaşdırılması üçün görüntüləmə texnikalarının rolu hər gün daha da artır. Bu məqsədlə mütəxəssislər üçün “Süd vəzi multimodal görüntülənmə texnikası” mövzusunda canlı praktik master-klass təşkil olunub.

Azmedinfo.az xəbər verir ki, master-klası tədris edən Qadın Sağlamlığı Mərkəzi İctimai Birliyinin sədri, radioloq Fəridə Abbasova iştirakçılara süd vəzi patologiyalarının diaqnostikasında ən son texnoloji yenilikləri əyani şəkildə nümayiş etdirilib. Master-klass zamanı mürəkkəb klinik halların analizi aparılıb, rəqəmsal mammoqrafiya və ultrasəs müayinəsi kimi fərqli görüntüləmə üsullarının birgə istifadəsinin (multimodal yanaşma) üstünlükləri müzakirə olunub.

Praktik vərdişlərin ön plana çıxdığı təlimdə mütəxəssislər müasir diaqnostik protokolların incəliklərinə dərindən bələd olublar. Bu kimi praktik dərslər mütəxəssislərin peşəkar hazırlığının artırılmasına və onkoloji xəstəliklərin erkən mərhələdə daha dəqiq təyin olunmasına töhfə kimi qiymətləndirilib.