“Qurd xəstəliklərinin profilaktikası” mövzusunda maarifləndirici tədbirlər keçirilib

29 Aprel 2026

352

“Qurd xəstəliklərinin profilaktikası” mövzusunda maarifləndirici tədbirlər keçirilib

Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən Bakı şəhəri üzrə 181, 216, 253, 285, 298 nömrəli məktəblərdə şagirdlər üçün maarifləndirici tədbirlər təşkil olunub.

Azmedinfo.az xəbər verir ki, Təhsil Nazirliyinin dəstəyi ilə təşkil edilən tədbirlərdə şagirdlərə sağlamlığın qorunması, gigiyena qaydalarına riayət olunması ilə bağlı ətraflı məlumat verilib.

İSİM-in Səhiyyə siyasəti və planlaşdırma şöbəsinin müdir müavini Lətafət Dadaşova geniş təqdimatla çıxış edərək, şagirdlərə qurd xəstəlikləri, sağlam həyat tərzi seçməyin üstünlükləri, gigiyena qaydalarına riayət etməyin vacibliyi izah edilib. Onlara zərərli vərdişlərdən uzaq durmaq, sağlam və düzgün qidalanmaq, qida təhlükəsizliyinə əməl etmək tövsiyə olunub.

Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim edilib.