“Həyatının memarı sən özünsən” mövzusunda maarifləndirici görüş

01 May 2026

316

Səhiyyə Nazirliyi, Təhsil Nazirliyi və Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə Bakı şəhəri 214 nömrəli məktəbdə valideynlər üçün “Həyatının memarı sən özünsən” mövzusunda maarifləndirici tədbir təşkil olunub.

Azmedinfo.az xəbər verir ki, Ailə, Qadın və Uşaq Problemləri üzrə Dövlət Komitəsinin əməkdaşı Nailə İbrahimova çıxış edərək, iştirakçıları sağlam həyat tərzi seçməyə çağırıb.

Səhiyyə Nazirliyi İctimai Səhiyyə və İslahatlar Mərkəzinin (İSİM) Layihələrin əlaqələndirilməsi şöbəsinin müdir müavini Ülkər Camalova təqdimatla çıxış edib. O, iştirakçılara zərərli vərdişlərin fəsadları barədə ətraflı məlumat verib. İştirakçılara zərərli vərdişlərdən uzaq olmaq, sağlam qidalanmaq və hər gün fiziki aktivliyə vaxt ayırmaq tövsiyə edilib.

Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim olunub.