Xocalı soyqırımının 33-cü ildönümü anıldı

26 Fevral 2025

602

Səhiyyə Nazirliyinin Elmi-Tədqiqat Ağciyər Xəstəlikləri İnstitutunda 26 Fevral Xocalı soyqırımının 33-cü ildönümünə həsr olunan anım tədbiri keçirilib.

Azmedinfo.az xəbər verir ki, əvvəlcə Azərbaycanın müstəqilliyi və ərazi bötüvlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan İnstitutun direktoru İradə Axundova Xocalı soyqırımının Azərbaycan tarixinin ən dəhşətli və faciəli hadisələrdən biri olduğunu bildirib.

O qeyd edib ki, bu soyqırımı təkcə Azərbaycan xalqına deyil, bütün insanlığa, bəşəriyyətə qarşı törədilən ən ağır cinayətlərdən biri olduğunu vurğulayıb.

Sözünə davam edən İnstitutun direktoru İradə Axundova 1992-ci il fevralın 26-da Ermənistan hərbi birləşmələrinin 7 min əhalisi olan Xocalı şəhərində törətdiyi soyqırımı nəticəsində 613 nəfər öldürülüb, 1000 nəfər dinc sakin aldığı güllə yarasından əlil olub. 106 nəfər qadın, 63 azyaşlı uşaq, 70 qoca qətlə yetirilib, 8 ailə tamamilə məhv edilib, 25 uşaq hər iki valideynini, 130 nəfər valideynlərindən birini itirib. Faciə baş verən gecə 1275 nəfər dinc sakin girov götürüldüyünü tədbir iştirakçılarının diqqətinə çatdırıb.

Anım Tədbirində İnstitutun digər struktur bölmə rəhbərləri də iştirak edib.

Sonda, 26 Fevral Xocalı soyqrımı ilə əlaqədar tədbir iştirakçıları üçün videoçarx nümayiş olunub.