Müasir tibbin ən aktual sahələrindən olan radiologiyanın onkoloji xəstəliklərin diaqnostikası və müalicəsindəki həlledici rolunu müzakirə etmək məqsədilə ölkəmizdə növbəti mötəbər elm forum təşkil olunur.

Azmedinfo.az xəbər verir ki, 6 iyun 2026-cı il tarixində Azərbaycan Respublikası Səhiyyə Nazirliyi, Milli Onkologiya Mərkəzi, Azərbaycan Onkoloqlar Cəmiyyəti və Azərbaycan Radioloqlar Cəmiyyətinin birgə təşkilatçılığı ilə  "Multidisiplinar Radiologiya Forumu" keçiriləcək.

Tədbir çərçivəsində müxtəlif tibbi ixtisasların kəsişməsində dayanan ən son elmi yeniliklər və təcrübələr ətrafında bir-birindən maraqlı panel müzakirələrin aparılması nəzərdə tutulur. Hər bir sahə mütəxəssisi bu əhəmiyyətli forumda iştirak edərək öz peşəkar biliklərini zənginləşdirə bilər.

Qeyd edək ki, forumun sonunda iştirakçılara rəsmi sertifikat təqdim olunacaq və onlar 10 DTT (Davamlı Tibbi Təhsil) balı əldə edəcəklər. DTT balları radioloqlar, onkoloqlar, uroloqlar, ginekoloqlar, cərrahlar, terapevtlər və endokrinoloqlar üçün nəzərdə tutulmuşdur. Bu fürsətdən yararlanmaq istəyən mütəxəssislər aşağıdakı link vasitəsilə qeydiyyatdan keçə bilərlər.

Qeydiyyat linki: https://forms.gle/fDqifWfabVLq2mTb9

Məkan: Milli Onkologiya Mərkəzi