Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunda Xocalı soyqırımının 33-cü ildönümünə həsr olunmuş anım tədbiri keçirilib.

Azmedinfo.az xəbər verir ki, tədbirdə institutun direktoru, professor Adil Allahverdiyev çıxış edərək Xocalı faciəsinin dəhşətləri, bu soyqırımın Azərbaycan tarixinə qanlı bir səhifə kimi yazılması və xalqımızın bu faciəni heç vaxt unutmayacağı barədə danışıb.

O bildirib ki, cənab Prezident İlham Əliyevin və Birinci vitse-prezident Mehriban xanım Əliyevanın Xocalının azad olunmasından sonra ora səfərləri, sakinlərlə görüşləri zamanı verdikləri mesajlar da bunu bir daha sübut edir.

Xocalı soyqırımı heç vaxt unudulmayacaq! Xocalı dirçələcək, yenidən qurulacaq və öz doğma sakinlərini bir daha bağrına basacaq!