İnstitutda Xocalı faciəsinə həsr olunan tədbir

İnstitutda Xocalı faciəsinə həsr olunan tədbir

26 Fevral 2025

848

İnstitutda Xocalı faciəsinə həsr olunan tədbir

Səhiyyə Nazirliyi Elmi-Tədqiqat Mamalıq və Ginekologiya İnstitutunda Xocalı faciəsinə həsr olunan tədbir keçirilib.

Azmedinfo.az xəbər verir ki, müəssisənin direktoru, tibb elmləri doktoru, professor Cəmilə Qurbanova açılış nitqi ilə çıxış edərək, Xocalı faciəsində şəhid olan qəhrəmanlarımızı yad eləməyin hər birimizin mənəvi borcu olduğunu vurğulayıb. Daha sonra Xocalı soyqırımı qurbanlarının əziz xatirəsi bir dəqiqəlik sükutla yad edilib.

ETMGİ-nin YAP təşkilatının sədri Ədalət Əliyev Xocalı faciəsinin tarixi, xalqımıza qarşı soyqırımı aktı kimi tanınması üçün Azərbaycan dövlətinin atdığı bütün zəruri addımlar, Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci il mayın 8-dən başlayan "Xocalıya ədalət" beynəlxalq kampaniyası və kampaniyanın fəaliyyəti haqqında danışıb.

Daha sonra İnstitutun həkim-neonatoloqu Kövsər Azadəliyeva xalqımızın qəhrəmanlığından, Ali Baş Komandan İlham Əliyevin güclü siyasəti, əsgər və zabitlərimizin qəhrəmanlığı nəticəsində Xocalı qoyqırımının qisasının alınmağından xüsusi olaraq söz açıb.

Azərbaycan Respublikasının Prezidenti cənab İlham Əliyev və Azərbaycanın Vitse-prezidenti Mehriban Əliyevanın işğaldan azad olunan ərazilərin yenidənqurması, inkişafı ilə bağlı davamlı səfərlərinin hər birinin tarixi hadisə olduğunu vurğulayıb.

Tədbirin sonunda Xocalı faciəsi ilə bağlı videoçarx nümayiş olunub.