Son üç il ərzində ÜST/Avropa və ATscale əməkdaşlığı çərçivəsində Azərbaycan, Gürcüstan və Tacikistanda köməkçi texnologiya və reabilitasiya xidmətlərinə çıxışın genişləndirilməsi istiqamətində layihə həyata keçirilib və bu təşəbbüs regionda bu sahələrin gücləndirilməsi üçün ilkin mərhələ kimi çıxış edib, eyni zamanda gələcək strategiyalar üçün istifadə oluna biləcək qiymətləndirmə və hesabatların hazırlanmasına imkan yaradıb.

Aztibb.az "ÜST Azərbaycan"nın məlumatına əsasən yazır ki, layihənin yekunlarına həsr olunmuş onlayn seminar milli və beynəlxalq tərəfdaşları bir araya gətirərək əldə olunan nəticələrin müzakirəsi, təcrübə mübadiləsi və daha inklüziv sistemlərin qurulması üzrə növbəti addımların müəyyənləşdirilməsi üçün platforma rolunu oynayıb.

Azərbaycan üzrə çıxış edən Səhiyyə Nazirliyinin nümayəndəsi Ramik Guliyev qurumlararası əməkdaşlığın və davamlı investisiyanın vacibliyini vurğulayaraq Səhiyyə Nazirliyi, Əmək və Əhalinin Sosial Müdafiəsi Nazirliyi və TƏBİB arasında koordinasiyanın sistemin inkişafına mühüm töhfə verdiyini bildirib.

Layihə çərçivəsində Azərbaycanda 11 iqtisadi rayon üzrə 5,597 nəfəri əhatə edən ilk köməkçi texnologiyalar qiymətləndirilməsi aparılıb, KT bazar və reabilitasiya üzrə STARS qiymətləndirilməsi yekunlaşdırılıb, prioritet köməkçi vasitələr siyahısı 57-dən 130 məhsula qədər genişləndirilib, KT xidmətlərinin ilkin səhiyyəyə inteqrasiyası pilot layihə kimi tətbiq olunub, Bərdə və Şamaxıda 80 səhiyyə işçisi təlimləndirilib və əlilliyi olan şəxslərin təşkilatlarının proseslərdə iştirakı gücləndirilib və bu nəticələr köməkçi texnologiyaya ehtiyacı olan insanların həyat keyfiyyətinin yaxşılaşdırılmasına və Universal Tibbi Əhatənin dəstəklənməsinə xidmət edir, eyni zamanda regionda daha əlçatan və dayanıqlı səhiyyə sistemlərinin formalaşmasına töhfə verir.