Bakıda ölkənin aparıcı tibb qurumlarının birgə təşkilatçılığı ilə "Multidisiplinar Radiologiya Forumu" keçiriləcək.

Azmedinfo.az xəbər verir ki, mühüm elmi-praktiki tədbir 6 iyun 2026-cı il tarixində Azərbaycan Respublikası Səhiyyə Nazirliyi, Milli Onkologiya Mərkəzi, Azərbaycan Onkoloqlar Cəmiyyəti və Azərbaycan Radioloqlar Cəmiyyətinin birgə təşkilatçılığı ilə baş tutacaq.

Milli Onkologiya Mərkəzində keçiriləcək forumda radiologiya və onkologiyanın kəsişməsində dayanan mürəkkəb kliniki hallara dair bir-birindən maraqlı elmi panellər və multidisiplinar müzakirələr yer alacaq. Təşkilat komitəsi müvafiq sahələr üzrə çalışan bütün mütəxəssisləri forumda fəal iştirak etməyə dəvət edir.

Tədbir Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunub. Forumun yekununda iştirakçılara rəsmi sertifikat və 10 DTT (Davamlı Tibbi Təhsil) balı təqdim ediləcəkdir.

DTT balları radioloq, onkoloq, uroloq, ginekoloq, terapevt, endokrinoloq və cərrahlar üçün nəzərdə tutulub:

Forumda iştirak etmək istəyən mütəxəssislər https://forms.gle/fDqifWfabVLq2mTb9 vasitəsilə onlayn qeydiyyatdan keçə bilərlər.

Əlavə məlumat və suallar üçün əlaqə vasitələri:

+994 77 591 94 91
+994 70 541 21 44