İyunun 20-də Azərbaycanda uşaq sağlığı və pediatriya sahəsində fəaliyyət göstərən həkimlər və səhiyyə mütəxəssisləri üçün elmi sammit keçiriləcək.

Azmedinfo.az xəbər verir ki, tədbir Azərbaycan Respublikası Səhiyyə Nazirliyi, TƏBİB (Tibbi Ərazi Bölmələrini İdarəetmə Birliyi), İcbari Tibbi Sığorta üzrə Dövlət Agentliyi, Azərbaycan Pediatrlar Assosiasiyası, Azərbaycan Endokrinoloqlar Cəmiyyəti və ANDOP-un birgə təşəbbüsü, eləcə də "Lasomed group" şirkətinin texniki dəstəyi ilə təşkil olunacaq.

Pediatriya sahəsində ən son elmi yeniliklərin, müasir yanaşmaların və aktual mövzuların geniş müzakirə olunacağı bu nüfuzlu tədbirdə ölkənin aparıcı mütəxəssisləri məruzələrlə çıxış edəcəklər. Sammit iştirakçı həkimlərə pediatriya sahəsində bilik və təcrübələrini artırmaq, həmkarları ilə sıx fikir mübadiləsi aparmaq və yeni peşəkar əlaqələr qurmaq imkanı yaradacaq. 

Tədbir Səhiyyə Nazirliyinin Elmi Tibbi Şurası tərəfindən akkreditasiya olunub və 9 DTT (Davamlı Tibbi Təhsil) kredit balı ilə qiymətləndirilib.

"Badamdar Hotel"də keçiriləcək elmi sammitdə iştirak üçün əlaqə nömrələri:

+994 70 352 00 13,

+994 70 952 00 13

+994 51 484 85 56