Respirator xəstəliklərlə bağlı epidemioloji nəzarətin aparılır

09 İyun 2026

350

Respirator xəstəliklərlə bağlı epidemioloji nəzarətin aparılır

Azərbaycan Respublikası Səhiyyə Nazirliyinin “İnsanlar arasında qrip xəstəliyi üzərində kəşfiyyat xarakterli epidemioloji nəzarətin davam etdirilməsi barədə” 02.11.2023-cü il tarixli 631 №-li əmri ilə nazirliyin K.Y. Fərəcova adına Elmi-Tədqiqat Pediatriya İnstitutuna exspertlərin 2-ci səfəri keçirilib.

Azmedinfo.az xəbər verir ki, hazırda respirator xəstəliklərin virusoloji, epidemioloji xarakteristikasını qiymətləndirmək məqsədi ilə kəşfiyyat xarakterli epidemioloji nəzarətin aparılması həyata keçirilir.

Laboratoriya şöbəsinə səfər iştirakçılara laborator proseslərin təşkili, keyfiyyət standartlarının tətbiqi və müasir analiz üsulları barədə ətraflı məlumat əldə etməyə imkan yaradır.

Səfər nəzəri biliklərin praktiki fəaliyyətlə əlaqələndirilməsi baxımından faydalı olub.

Aparılan müzakirələr və müşahidələr nəticəsində əməkdaşların bilik və bacarıqlarının daha da inkişaf etdirilməsi məqsədilə müvafiq mövzular üzrə təlimlərin keçirilməsinin nəzərdə tutulduğu qeyd edilib. Təlimlərin təşkilinin iş proseslərinin səmərəliliyinin artırılmasına və peşəkar inkişafın dəstəklənməsinə töhfə verəcəyi gözlənilir.

Ümumdünya Səhiyyə Təşkilatının (ÜST) ekspertlərinin epidemioloji nəzarətin gücləndirilməsi və ölkədə Milli Qrip Mərkəzinin rəsmi akkreditasiya olunması məqsədi ilə beynəlxalq mentorluq proqramı çərçivəsində 12.06.2026-cı il tarixində bir günlük təlim keçirilməsi nəzərdə tutulur