ETPİ-də neonatologiyada klinik çağırışlar və müasir diaqnostika üsulları müzakirə edilib
09 İyul 2026
146
Azərbaycan Respublikası Səhiyyə Nazirliyinin K.Y.Fərəcova adına Elmi-Tədqiqat Pediatriya İnstitutunda (ETPİ) "Neonatologiyada klinik çağırışlar: Diaqnostika və müalicə" mövzusunda elmi-praktik konfrans keçirilib.
Azmedinfo.az xəbər verir ki, tədbir Azərbaycan Respublikasının Dövlət Himninin səsləndirilməsi ilə başlayıb. Ardınca ölkəmizin ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbirdə neonatologiya sahəsində çalışan mütəxəssislər, həkimlər və elmi işçilər iştirak ediblər.
Konfransda giriş nitqi ilə çıxış edən ETPİ-nin direktoru tədbirin neonatologiya sahəsində çalışan mütəxəssislər üçün əhəmiyyətini vurğulayıb. O bildirib ki, yenidoğulmuşlara göstərilən tibbi xidmətin keyfiyyətinin yüksəldilməsi, müasir elmi nailiyyətlərin praktikaya tətbiqi və mütəxəssislərin davamlı peşəkar inkişafı institutun fəaliyyətinin əsas prioritet istiqamətlərindəndir.
Tədbirin moderatorları dosent Aynur Poluxova, professor Fatimə Seyidbəyova və dosent Sevinc Nəsirova olublar.
Konfrans çərçivəsində yenidoğulmuşlarda intensiv terapiya, neonatal sepsisin müasir diaqnostika və müalicə prinsipləri, son protokollar, respirator dəstək üsulları, qanın turşu-qələvi müvazinəti və digər aktual mövzular üzrə elmi məruzələr təqdim olunub. Məruzələr zamanı beynəlxalq klinik protokollar, sübutlara əsaslanan yanaşmalar və praktik təcrübə müzakirə edilib.
Tədbirin əsas məqsədi neonatologiya sahəsində müasir elmi yeniliklərin və qabaqcıl klinik təcrübənin mütəxəssislərlə paylaşılması, yenidoğulmuşlara göstərilən tibbi xidmətin keyfiyyətinin daha da yüksəldilməsinə töhfə vermək olub.
Konfrans çərçivəsində institut tərəfindən görkəmli alim, professor Nadir Tağıyevin əziz xatirəsinə həsr olunmuş "Neonatal sepsis" adlı metodik tövsiyə haqqında məlumat verilib. Müasir beynəlxalq tövsiyələr və elmi sübutlar əsasında hazırlanmış nəşr neonatal sepsisin erkən diaqnostikası, müalicəsi və profilaktikası sahəsində praktik həkimlər üçün stolüstü vəsait kimi nəzərdə tutulub.
Məruzələr zamanı yenidoğulmuşlarda kritik vəziyyətlərin erkən diaqnostikası, müasir müalicə protokolları, intensiv terapiya prinsipləri və klinik təcrübədə rast gəlinən mürəkkəb halların idarə olunması ətrafında geniş müzakirələr aparılıb, iştirakçıların sualları cavablandırılıb.
Konfransın yekunu olaraq, əsrin bəlası hesab olunan antibiotik rezistentliyinə zəmin yaradan amillər geniş müzakirə olunub və bu məsələnin həlli istiqamətində ETPİ-nin Səhiyyə Nazirliyinə ünvanladığı təklif xüsusi maraq doğurub. Vurğulanıb ki, bu istiqamətdə görüləcək tədbirlər təkcə ETPİ üçün deyil, bütövlükdə ölkəmiz üçün olduqca aktualdır. Çıxışlar zamanı mütəxəssislərin şəxsi peşəkar təcrübələrinə və klinik müşahidələrinə əsaslanan nümunələrin təhlili iştirakçılar tərəfindən böyük maraqla qarşılanıb.
Bu bölməyə aid digər xəbərlər
Ən çox oxunanlar
-
Transplantasiya göstəriciləri və donorluq üzrə müsbət dinamika qeydə alınıb - ODTKM 6 aylıq hesabat təqdim etdiƏn çox oxunanlar07 İyul 2026348
-
Çində Avrasiya Konqresində uşaqların neyroinkişaf sağlamlığında erkən aşkarlama və kompleks reabilitasiya üzrə beynəlxalq yanaşma əsas müzakirə mövzusu olduƏn çox oxunanlar10 İyul 2026218
-
TƏBİB və bp-nin tərəfdaşlığı çərçivəsində Yeni Klinikada Tibbi Tədris - Simulyasiya Mərkəzinin açılışı olubƏn çox oxunanlar09 İyul 2026150
-
ETPİ-də neonatologiyada klinik çağırışlar və müasir diaqnostika üsulları müzakirə edilibƏn çox oxunanlar09 İyul 2026148
-
Professor Gülnaz Dadaşova: Ürəyinizin vəziyyətini həqiqətən bilirsinizmi?Ən çox oxunanlar11 İyul 2026138
-
ABŞ-da "dəmir ağciyər"dən istifadə edən son pasiyent vəfat edibƏn çox oxunanlar13 İyul 2026138
-
"Elecoglon" tableti artıq çəki və diabetin müalicəsində müsabət nəticələr verirbƏn çox oxunanlar11 İyul 2026136
-
Səhiyyə Nazirliyi və QHT Agentliyi qrant müsabiqəsi elan edəcəkƏn çox oxunanlar14 İyul 2026136
-
Süd vəzi xərçəngindən sonra yaranan limfedemaya qarşı nadir mikrocərrahi əməliyyat uğurla icra edildi - Azərbaycanda ilkƏn çox oxunanlar10 İyul 2026132
-
Diabet xəstələri üçün insulin tərkibli bantlar və gellər hazırlanacaq - İynəsiz insulinƏn çox oxunanlar08 İyul 2026128
-
Baroterapiya nədir və hansı xəstəliklərdə effektivdir?Ən çox oxunanlar07 İyul 2026122
-
Azərbaycanlı alimlərin iki elmi araşdırması Avropa Pediatriya Assosiasiyasının konqresində təqdim edilibƏn çox oxunanlar16 İyul 2026108
-
Yenidoğulmuş körpə nadir qüsurdan xilas edildiƏn çox oxunanlar08 İyul 202694
-
Azərbaycan-Rusiya səhiyyə əməkdaşlığı və tibb təhsili müzakirə olunubƏn çox oxunanlar14 İyul 202694
-
Azərbaycan Respublikasının Prezidenti İlham Əliyevin müvafiq Sərəncamı ilə Rüfət Cahangir oğlu Hacıəlibəyov səhiyyə nazirinin müavini təyin edilibƏn çox oxunanlar07 İyul 202686
-
Dövlət təltiflərinə layiq görülmüş tibb işçilərinə orden və medallar təqdim olunubƏn çox oxunanlar16 İyul 202678
