“Epilepsiyanın fərqindəyik!” layihəsi çərçivəsində regionlarda tibbi xidmətlər təşkil olunub

01 Mart 2025

860

“Epilepsiyanın fərqindəyik!” layihəsi çərçivəsində 750-dən çox vətəndaşa 1800-dən çox tibbi xidmət göstərilib.

Azmedinfo.az xəbər verir ki, layihənin icrası zamanı bölgə həkimləri üçün epilepsiya və nevroloji xəstəliklərin diaqnostikası və müalicəsinə müasir yanaşma mövzusunda seminar keçirilib.

Layihədə uğurla iştirak edən həkim-mütəxəssislər TƏBİB-in İcraçı direktoru Vüqar Qurbanovun adından təşəkkürnamə ilə təltif ediliblər.

TƏBİB-in təşkilatçılığı və İcbari Tibbi Sığorta üzrə Dövlət Agentliyinin dəstəyi ilə “TƏBİB-in İxtisas gündəliyi 2025” proqramı çərçivəsində Beynəlxalq Epilepsiya Gününə həsr olunmuş “Epilepsiyanın fərqindəyik!” layihəsi icra edilib.

Layihə çərçivəsində Cəlilabad, Biləsuvar, Neftçala və Salyan rayonlarının vətəndaşları üçün tibbi xidmətlər təşkil olunub.

“Epilepsiyanın fərqindəyik!” layihəsi çərçivəsində müayinə və müalicələrin təyin olunması tədbirləri ilə yanaşı, vətəndaşların maarifləndirilməsi üçün söhbətlər aparılıb, xəstəliklərin ağırlaşmalarının qarşısının alınmasında erkən diaqnostikanın önəmi vurğulanıb.