Elmi-Tədqiqat Kardiologiya İnstitutunda könüllülərlə interaktiv görüş təşkil olunub. Tədbirdə İnstitutun direktoru, professor Gülnaz Dadaşova, müalicə işləri üzrə direktor müavini Afiyəddin İsgəndərov və könüllü gənclər iştirak ediblər.

Azmedinfo.az xəbər verir ki, görüşün əsas məqsədi könüllülərlə birbaşa fikir mübadiləsi aparmaq, onların təşəbbüslərini dinləmək və gələcək əməkdaşlıq istiqamətlərini müəyyənləşdirmək olub.

Söhbət zamanı könüllülər İnstitutun fəaliyyətinin inkişaf etdirilməsi, gənclərin proseslərə fəal cəlb olunması və müxtəlif istiqamətlər üzrə yeni layihələrin həyata keçirilməsi ilə bağlı ideya və təkliflərini səsləndiriblər.

Direktor Gülnaz Dadaşova çıxışında gənclərin fəallığının və təşəbbüskarlığının xüsusi əhəmiyyət daşıdığını vurğulayıb. Həmçinin könüllülərin qarşıdakı dövrdə planlaşdırılan layihələrdə daha aktiv iştirakı və qarşılıqlı əməkdaşlığın genişləndirilməsi perspektivləri müzakirə edilib.

Səmimi və açıq dialoq mühitində keçən görüş yeni ideyaların formalaşdırılması və gələcək fəaliyyət planlarının müəyyənləşdirilməsi baxımından mühüm əhəmiyyət kəsb edib.