Qadın Sağlamlığı Mərkəzi İctimai Birliyi tibb mütəxəssisləri üçün növbəti genişmiqyaslı tədris layihəsinə başlayır.

Azmedinfo.az xəbər verir ki, 5 oktyabr – 17 dekabr 2026-cı il tarixlərində Dr. Fəridə Abbasovanın təqdimatında “GynSono – əsasdan ekspert ultrasonoqrafiyaya qədər: protokollar və pasiyent təhlili” adlı təlim kursu keçiriləcək.

Bu proqram iştirakçıların peşəkar inkişafında yeni mərhələ açmaqla yanaşı, klinik baxış bucağını genişləndirəcək və gündəlik praktikada daha inamlı qərarlar verməyə imkan yaradacaq.

Hibrid (əyani və onlayn) formatda təşkil olunan dərslərin əyani hissəsi "Universal Hospital"da baş tutacaq.

Təlimlər hər həftənin bazar ertəsi və cümə axşamı günləri saat 19:00-dan etibarən (mövzudan asılı olaraq 20:00 və ya 20:30-dək) tədris ediləcək.

Azərbaycan Respublikası Səhiyyə Nazirliyi tərəfindən akkreditasiya olunacaq proqramı uğurla başa vuran bütün iştirakçılara rəsmi sertifikat və 44 DTT kredit balları təqdim ediləcək.

Kursda iştirak etmək istəyənlər https://forms.gle/qzNqkbfjcWWg12468 linki vasitəsilə onlayn qeydiyyatdan keçə bilərlər.

Əlaqə nömrəsi: +994 70 541 21 44