13–14 noyabr 2026-cı il tarixində 8-ci Azərbaycan İnvaziv Kardiologiya Konqresi çərçivəsində gənc invaziv kardioloqlar üçün xüsusi “Mürəkkəb Klinik Hallar” (Challenge Cases) sessiyası keçiriləcək.

Azmedinfo.az xəbər verir ki, sessiyanın məqsədi gənc invaziv kardioloqların real klinik təcrübələrini təqdim etmələri, mürəkkəb koronar müdaxilələr zamanı qəbul edilən qərarları müzakirə etmələri və müxtəlif müalicə strategiyalarını beynəlxalq ekspertlərlə birlikdə dəyərləndirmələri üçün imlkanlar yaratmaqdır.

İştirak üçün əsas meyarlar:

• Yaş həddi: 35 yaşadək
• Praktik fəaliyyət göstərən invaziv kardioloq olmaq
• Namizədliyin milli kardiologiya cəmiyyəti tərəfindən irəli sürülməsi
• Hər ölkədən 1 klinik halın təqdim edilməsi
• Təqdim olunacaq klinik hal real və mürəkkəb klinik vəziyyəti əks etdirməlidir.

Klinik hala dair üstünlük verilən mövzular:

• Bifurkasiya müdaxilələri, o cümlədən LM
• Kalsium modifikasiyası
• DCB
• Prosedur zamanı yaranan ağırlaşmaların idarə olunması
• Kompleks PCI və görüntüləmə ilə yönləndirilən PCI

Təqdimat formatı:

Maksimum 6 slayd təqdim edilməlidir. Təqdimatda klinik vəziyyət, angioqrafik görüntülər, mövcud olduğu halda görüntüləmə nəticələri, müalicə strategiyasının seçilməsi, aparılmış prosedur və nəticələr əks olunmalıdır.

Hər iştirakçı üçün 5 dəqiqəlik təqdimat və 10 dəqiqəlik müzakirə nəzərdə tutulur.

Sessiyanın sonunda klinik hallar və təqdimatlar müəyyən edilmiş qiymətləndirmə meyarları əsasında münsiflər heyəti tərəfindən qiymətləndiriləcək.

Tədbir Fairmont Hotel Baku, "Flame Towers"də keçiriləcək.

“Mürəkkəb Klinik Hallar” – İştirakçı Qaydaları və Son Müraciət Tarixi: 10 oktyabr 2026-cı il

Ətraflı məlumat və iştirakla bağlı suallar üçün:

congress@akc.az

WhatsApp: +994 50 207 09 45