2026/2027-ci tədris ili çərçivəsində ali təhsil müəssisələrinin IV ixtisas qrupu üzrə qəbul planı açıqlanıb.

Azmedinfo.az xəbər verir ki, Dövlət İmtahan Mərkəzinin yaydığı məlumata əsasən, cari ildə bu qrup üzrə abituriyentlər üçün ümumilikdə 5048 yer ayrılıb.

Təsdiqlənmiş bölgüyə əsasən, plan yerlərinin 3733-ü Azərbaycan bölməsi, 335-i rus bölməsi, 980-i isə hər iki bölmənin birgə müsabiqəsi üçün nəzərdə tutulub. Ayrılmış ümumi yerlərin 3551-ni dövlət sifarişli (ödənişsiz) yerlər təşkil edir.

Məlumatda o da bildirilir ki, Azərbaycan Tibb Universitetinin Hərbi tibb fakültəsinə qəbul üçün müraciət edən namizədlər dövlət sifarişi əsasında ayrılan bəzi ixtisasların müsabiqəsinə də qatıla bilirlər. Bu qayda əczaçılıq üzrə 5, ictimai səhiyyə üzrə 10 və stomatologiya ixtisası üzrə nəzərdə tutulan 7 dövlət sifarişli yerə şamil olunur.