Hazırda Almaniyanın Münhen şəhərində dünyanın aparıcı kardiologiya tədbirlərindən biri olan "ESC Congress 2026" keçirilir.

Azmedinfo.az xəbər verir ki, Avropa Kardiologiya Cəmiyyətinin təşkilatçılığı ilə baş tutan konqres dünyanın müxtəlif ölkələrindən aparıcı kardioloqları və tibb mütəxəssislərini bir araya gətirib.

Tədbir çərçivəsində ürək-damar xəstəliklərinin diaqnostikası və müalicəsində ən son elmi yeniliklər, müasir klinik yanaşmalar, innovativ texnologiyalar və süni intellektin kardiologiyada tətbiqi müzakirə olunur.

Mötəbər beynəlxalq tədbirdə Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova da iştirak edir.

Konqresdə iştirak Azərbaycan kardiologiyasının beynəlxalq elmi platformalarda layiqincə təmsil olunması, qabaqcıl dünya təcrübəsinin öyrənilməsi və yeni elmi əməkdaşlıqların qurulması baxımından mühüm əhəmiyyət daşıyır.

Professor Gülnaz Dadaşova bildirib ki, ESC Congress dünyanın aparıcı mütəxəssislərini bir araya gətirən ən mühüm elmi tədbirdir. Burada əldə edilən yeni bilik və təcrübələr ölkəmizdə kardiologiya sahəsinin inkişafına mühüm töhfə verəcək.