Nobel Assambleyası 2026-ci il fiziologiya və tibb üzrə Nobel mükafatını Karl Deyserot, Piter Hegeman və Corc Neyqlə “İşıqla aktivləşən ion kanalları və optogenetika ilə bağlı kəşfləri”nə görə verib.

Azmedinfo.az nobelprize.org-a istinadən yazır ki, Karl Deyserot amerikalı nevroloq, psixiatr və Stanford Universitetinin professorudur. O, beyin hüceyrələrinin fəaliyyətini işıq vasitəsilə idarə etməyə imkan verən optogenetika metodunun inkişafında əsas alimlərdən biri hesab olunur. Deisserothun tədqiqatları depressiya, autizm və digər psixi-nevroloji pozuntuların beyindəki mexanizmlərini daha yaxşı anlamağa kömək edib.

Piter Hegemann isə alman biofiziki və Berlin Humboldt Universitetinin professorudur. O, işığa həssas kanalrodopsinlərin öyrənilməsində və bu zülalların sinir hüceyrələrini işıqla idarə etmək üçün istifadəsində mühüm rol oynayıb. Onun araşdırmaları optogenetikanın əsas elmi təməllərinin formalaşmasına böyük töhfə verib.

Corc Neyql alman biofiziki və Vürtsburq Universitetinin professorudur. O, Peter Hegemannlə birlikdə kanalrodopsinlərin xüsusiyyətlərini araşdıraraq onların işıqla idarə olunan ion kanalları olduğunu göstərib. Bu kəşf sinir hüceyrələrinin işıq vasitəsilə idarə edilməsinə əsaslanan optogenetika texnologiyasının inkişafında mühüm rol oynayıb.