TƏBİB-in tabeliyindəki Respublika Pediatriya Mərkəzinin nəzdində fəaliyyət göstərən Ə.F.Qarayev adına Uşaq Klinik Xəstəxanasında “Yenidoğulmuşların bir tibb müəssisəsindən neonatal reanimasiya şöbəsinə transportu” mövzusunda elmi-praktiki təlim keçirilib.

Azmedinfo.az xəbər verir ki, həkim-reanimatoloq Xalidə Mustafayevanın keçirdiyi təlimdə yenidoğulmuşların daşınmadan əvvəl ilkin stabilizasiyası, ABCDE yanaşması, tənəffüs dəstəyi, həyati göstəricilərin monitorinqi, hipotermiya və hipoqlikemiyanın profilaktikası, eləcə də damar yolunun təmin edilməsi məsələləri müzakirə olunub. Praktiki hissədə müvafiq bacarıqlar yenidoğulmuş mulyajı üzərində nümayiş etdirilib.

Təlimin məqsədi ağır vəziyyətdə olan yenidoğulmuşların təhlükəsiz transportu üzrə tibb işçilərinin bilik və bacarıqlarını artırmaq, daşınma zamanı yarana biləcək ağırlaşma risklərini minimuma endirməkdir.