"Vertigolu pasientlərin diaqnostikası və idarə edilməsi" mövzusunda seminar - Elmi-Tədqiqat Tibbi Bərpa İnstitutu

13 Fevral 2025

366

"Vertigolu pasientlərin diaqnostikası və idarə edilməsi" mövzusunda seminar - Elmi-Tədqiqat Tibbi Bərpa İnstitutu

Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati - metodik şöbənin təşkilatçılığı ilə institutun "Kliniki Neyrofiziologiya laboratoriyasının böyük elmi işçisi Mərziyyə Məmmədova tərəfindən "Vertigolu pasientlərin diaqnostikası və idarə edilməsi" mövzusunda seminar keçirilib.

Azmedinfo.az xəbər verir ki, M.Məmmədova başgicəllənmə (vertigo) mövzusu haqqında məlumat verərək, əsasən başgicəllənmənin əlamətləri, səbəbləri və yanaşı xəstəliklərlə differensial diaqnostikası, xüsusi diaqnostik və müalicəvi manevrlər haqqında geniş məlumat verib.

Seminarın xüsusi hissəsi vertigonun idarəedilməsinə və vertigo altında yatan təcili vəziyyətlərdə həkimlərin yanaşması haqqında məlumata ayrılıb. Bundan əlavə vertigolu xəstələrin reabilitasiya metodları və kliniki hallar da müzakirə olunub.

Seminarda Elmi işlər üzrə direktor müavini, t.ü.f.d Sevinc Rzayeva, elmi işçiləri və həkimlər iştirak ediblər.

Sonda mövzuya dair müzakirələr aparılıb və verilən suallar cavablandırılıb.