Səhiyyə Nazirliyinin Elmi-Tədqiqat Kardiologiya İnstitutunda "Koronar damarların obstruksiyası olmadan təsadüf edilən miokard infarktı" mövzusunda elmi-praktik klinik təhlil keçirilib.

Azmedinfo.az xəbər verir ki, tədbirə institutun professoru, tibb elmləri doktoru Rufulla Abdullayev rəhbərlik edib. Təhlilin məruzəçisi həkim-rezident Ziya Ağayev olub. O, miokard infarktının qeyri-adi klinik formalarına dair təqdimatla çıxış edərək bu sindromun diaqnostik və müalicə xüsusiyyətləri barədə ətraflı məlumat verib.

Məruzə iştirakçılar tərəfindən maraqla qarşılanıb, təqdimatın sonunda geniş elmi müzakirələr aparılıb və mövzu ilə bağlı suallar cavablandırılıb.

Bu cür elmi tədbirlər həkim-rezidentlərin bilik və bacarıqlarının artırılması, həmçinin müasir tibbi yanaşmaların tətbiqi baxımından mühüm əhəmiyyət kəsb edir.