K.Y.Fərəcova adına ET Pediatriya İnstitutunda Azərbaycan-İsrail tibb əməkdaşlığı

11 İyun 2025

624

K.Y.Fərəcova adına Elmi-Tədqiqat Pediatriya İnstitutunda İsrailin Azərbaycandakı səfiri, Heydər Əliyev Fondunun əməkdaşları, Səhiyyə Nazirliyinin nümayəndələri, İsrailin Soroka Tibb Mərkəzinin Pediatriya Departamentinin rəhbəri və 7 nəfərdən ibarət həkim heyəti qonaq olublar.

Azmedinfo.az xəbər verir ki, tədbirin açılışı institutun direktoru dosent Aynur Poluxovanın nitqi ilə başlayıb. Direktor iştirakçıları salamlayaraq nəzərdə tutulan tədbir planını açıqlayıb. Tədbirin Heydər Əliyev Fondunun dəstəyi ilə keçirilməsi, bu əməkdaşlığa verilən yüksək diqqət və qayğının göstəricisi kimi qiymətləndirib. Fondun səhiyyə və uşaq sağlamlığı sahəsində gördüyü işlər, təşəbbüslər və beynəlxalq tərəfdaşlıqlara verdiyi töhfə xüsusilə təqdirəlayiq olduğunu qeyd edib.

Nitqin sonunda 1 il ərzində əməkdaşlıq çərçivəsində görülən işlərtin hesabatı dinlənilib və prezentasiya şəklində təqdim olunub.

Qonaqlar institutun bütün şöbələri ilə yaxından tanış olub və qonaqlara institutun fəaliyyəti haqqında prezentasiya təqdim olunub.

Tədbirin davamında söz İsrailin Azərbaycandakı fövqəladə və səlahiyyətli səfiri Corc Dikə verilib. Səfir çıxışında digər dövlətlərlə Azərbaycanın beynəlxalq əlqalərinin güclənməsindən, o cümlədən səhiyyə sahəsində də 2 müəssisə arasında əlaqəni yüksək qiymətləndirdiyini vurğulayıb. Bu əlaqələrin inkişafı gələcəkdə dəstəyə hazır olduqlarını açıqlayıb.

Bunun davamı olaraq Soroko Tibb Mərkəzi Pediatriya Departamentinin rəhbəri prof.Devid Qrinberq çıxış edib. Davamlı əməkdaşlığımız çərçivəsində bir araya gəlmək fürsəti bizim üçün çox qiymətlidir. Soroka Tibb Mərkəzi olaraq, biz uşaqların sağlamlığını bütün tibb fəaliyyətimizin mərkəzində görürük-deyə bildirib.

Daha sonra dr Mikki Gideon çıxış edərək bu qonaqpərvərliyə görə təşəkkürünü bildirib. 2024-cü ildə Azərbaycanlı həmkarlarımızla birlikdə uşaqların müayinəsində iştirak etmək, onların sağlamlıq problemlərinə fərqli yanaşmalarla dəstək olmaq mənim üçün həm peşəkar, həm də şəxsi baxımdan çox dəyərli təcrübə olub- deyə çıxışında qeyd edib.

Sonda direktor tərəfindən İsrailin səfiri cənab Corc Dikə institutun loqosunu əsk etdirən suvenir, qonaqlara isə Bakı İçərişəhər, Qarabağ, Şuşanın xatirə rəsmləri təqdim olunub və qarşı tərəfdən bütün iştirakçılara hədiyyələr təqdim edilib.