Türkdilli Dövlətlər Birliyi Onkoloqlarının Birinci Konqresinin açılış mərasimindən sonra beş ölkə arasında onkologiya sahəsində qarşılıqlı elmi əməkdaşlıq haqqında memorandum imzalanıb.

Azmedinfo.az xəbər verir ki, Milli Onkologiya Mərkəzinin baş həkimi, Səhiyyə Nazirliyinin baş onkoloqu Azad Kərimlinin sözlərinə görə, Azərbaycan, Türkiyə, Qazaxıstan, Qırğızıstan və Özbəkistanın imzaladığı memorandumda onkoloqların təcrübə mübadiləsi, elmi praktik fəaliyyətin birlikdə davam etdirilməsi, elmi işlərin bir yerdə aparılması nəzərdə tutulub.

"Bu gün yalnız Azərbaycanın deyil, bütün Türkdilli dövlətlərin onkologiyası tarixində böyük əhəmiyyət kəsb edir. Türk dünyasının onkoloqlarının ilk dəfə bizim ölkədə bir araya gəlməsi sevindiricidir", - deyə A.Kərimli vurğulayıb.