İsraillə son günlərdə yaşanan silahlı toqquşmaların nəticəsi olaraq İranda insan tələfatı və yaralananların sayı ciddi həddə çatıb.

Azmedinfo.az bildirir ki, bu barədə rəsmi məlumatı İran İslam Respublikasının Səhiyyə Nazirliyi yayıb.

Nazirliyin açıqlamasına əsasən, indiyədək ölənlərin sayı 627 nəfəri keçib, 4 870-dən çox şəxs isə müxtəlif dərəcəli bədən xəsarətləri alaraq xəstəxanalara yerləşdirilib. Bildirilib ki, yaralıların bir qisminin vəziyyəti ağırdır və reanimasiya şəraitində müalicələri davam etdirilir.

Qeyd olunur ki, insan itkisi və xəsarət alanların əsas hissəsi Tehran və Kermanşah şəhərlərində qeydə alınıb. Bu şəhərlər son qarşıdurma zamanı ən çox zərər görən bölgələrdən biri hesab olunur.

Hazırda səhiyyə orqanları və fövqəladə xidmətlər vəziyyəti nəzarətdə saxlamaq üçün gücləndirilmiş rejimdə fəaliyyət göstərir.