Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunun əməkdaşları 2025-ci il üçün təsdiqlənmiş iş planına uyğun olaraq Bərdə şəhərinə ezam olunublar.

Azmedinfo.az xəbər verir ki, ezamiyyət çərçivəsində Bərdə Rayon Mərkəzi Xəstəxanasında tibb işçiləri üçün parazitar və infeksion xəstəliklərə dair elmi-praktik seminar təşkil edilib. Tədbirdə bu sahədə aktual mövzular ətrafında təqdimatlar keçirilib, yerli mütəxəssislərlə fikir və təcrübə mübadiləsi aparılıb. Seminar zamanı metodik tövsiyələr və praktik yanaşmalar iştirakçılarla bölüşülüb.

Seminarın sonunda institutun direktoru, professor Adil Allahverdiyev və Məlahət Bağırovanın müəllifliyi ilə nəşr olunan “Leyşmaniozun epidemiologiyası, diaqnostikası, müalicəsi və profilaktikası” adlı kitab iştirakçılara təqdim edilib.