Azərbaycanda keçiriləcək beynəlxalq idman tədbirləri – “Formula-1” yarışları və III MDB Oyunları ilə əlaqədar olaraq, TƏBİB-in icraçı direktoru Vüqar Qurbanov tibbi xidmət sahəsində qabaqlayıcı tədbirlərin görülməsi ilə bağlı tapşırıqlar verib.

Azmedinfo.az xəbər verir ki, bu barədə ötən gün təşkil olunan geniştərkibli müşavirədə çıxışı zamanı danışıb. Vüqar Qurbanov qeyd edib ki, yarışlar təkcə Bakıda deyil, Gəncə, Mingəçevir və Sumqayıt şəhərlərində də keçiriləcək.

Onun sözlərinə görə, bu tədbirlərə hazırlıq çərçivəsində müəssisə rəhbərlərinə əlavə növbətçilik qrafiklərinin hazırlanması, marşrutlar üzrə təcili tibbi yardım qruplarının formalaşdırılması və ümumi hazırlıq səviyyəsinin operativ şəkildə təmin olunması tapşırılıb.

Respublika Təcili və Təxirəsalınmaz Tibbi Yardım Mərkəzinin direktoru Mirələm Cəlalov da müşavirədə çıxış edərək bildirib ki, MDB Oyunları Azərbaycanın səhiyyə sistemi üçün növbəti ciddi imtahan olacaq.