Alzheimer xəstəliyinin inkişafını yavaşlatdığı deyilən "Donameab" adlı dərmanın Avstraliyada istifadəsinə icazə verilib.

Azmedinfo.az xəbər verir ki, "ABC News"un məlumatına görə, Avstraliya Dərman Malları İdarəsi (TGA) Alzheimer xəstəliyi səbəbiylə "yüngül koqnitiv pozğunluq və ya yüngül demans" ilə mübarizə aparan insanlar üçün "Donameab" dərmanının istifadəsinin klinik sınaqdan keçirildiyini açıqlayıb.

Klinik testlərdə xəstəliyin irəliləməsini yavaşlatdığı görülən dərmanın Alzheimerin ilkin mərhələlərində istifadə oluna biləcəyi, ancaq qəti bir müalicə metodunun təqdim edilmədiyi qeyd edilib.

Əvvəllər İngiltərə və ABŞ-da istifadəsinə icazə verilən dərman, maksimum 18 ay ərzində dörd həftədən bir qola venadaxili yeridilib.

Dərmanın funksiyası

Amiloid və tau zülalları beyində toplanır və Alzheimer xəstəliyinə səbəb olur. Dərman isə beyindəki neyronların fəaliyyətinə mənfi təsir göstərən və keçiriciliyi pozan Amiloid zülalını təmizləyir. Həmçinin amiloidi təmizləmək üçün beyində immun sistemini aktivləşdirərək antikor kimi fəaliyyət göstərir.